Ranchi ki dhoop aur garmi ab pehle jaisi nahi rahi, har saal aakde badh rahe hain. Aise mein Sunday aate hi doston aur family ke sath chill karne ke liye water park jana sabse badhiya option lagta hai.
Agar aap is weekend Ranchi mein kisi achhe water park jaane ka plan bana rahe hain, toh ticket katwane se pehle ye list dekh lijiye. Maine yahan Ranchi ke 5 sabse top water parks ka latest ticket price, timings aur location ekdum clear tarike se diya hai taaki aapko apna budget set karne mein aasani ho.
1. Wild Waadi Water Park
Aajkal Ranchi mein sabse zyada bheed aur craze isi park ka hai. Ye kafi badi jagah mein faila hua hai aur yahan ki slides ekdum modern hain.
- Kahan Hai (Location): Dasmile Chowk, Tupudana (Taurian World School ke paas).
- Khulne ka Time (Timings): Subah 11:00 baje se raat 8:00 baje tak.
- Ticket Price: Lagbhag ₹500 per person.
- Khas Baat: Yahan ka wave pool sabse bada hai. Sath hi bagal mein ek bird park aur flower park bhi banaya gaya hai.
2. Tarang Water & Amusement Park
Ranchi-Patna highway ki taraf pichle kuch waqt se ye park logo ki pehli pasand bana hua hai. Yahan ka rain dance aur DJ ka setup kafi tagda hai.
- Kahan Hai (Location): Manatu Gaon, Ormanjhi, Ranchi.
- Khulne ka Time (Timings): Subah 11:00 baje se shaam 5:00 baje tak. (Dhyan rakhein: Ye park har Wednesday ko band rehta hai).
- Ticket Price: ₹400 se ₹500 ke beech. Agar bachha 3 feet se chota hai, toh uski entry free hai.
- Khas Baat: Yahan ki Bowl ‘n’ Bowl aur multi-lane slides ka maza doston ke sath boht aata hai.
3. Rainbow River Water Park
Ye Ranchi ka ek naya water park hai jo dhurwa side rehne walo ke liye boht aasan aur kareeb padta hai.
- Kahan Hai (Location): Sembo Chowk, Baridih, Balalong (Dhurwa/Nagri side).
- Khulne ka Time (Timings): Monday se Friday subah 10 baje se 7 baje tak. Weekend par subah 11 baje se raat 8 baje tak.
- Ticket Price: Monday se Friday ticket ₹400 hai. Saturday aur Sunday ko ₹500 lagta hai.
- Khas Baat: Lazy river aur high-speed thrill slides nayi hone ke karan ekdum clean aur smooth hain.
4. Chotanagpur Fun Castle Water Park
Ranchi mein amusement park ki shuruwat isi jagah se hui thi. Ye sabse purana aur bharosemand park hai jahan family ke sath jaane ka alag hi maza hai.
- Kahan Hai (Location): Ratu, Maharaja Palace ke theek samne.
- Khulne ka Time (Timings): Subah 9:00 baje se shaam 7:00 baje tak.
- Ticket Price: ₹300 se ₹400 ke beech (weekend par rate thoda jyada hota hai).
- Khas Baat: Pani wali rides ke sath-sath yahan Go-karting, ropeway aur dry rides (jhule) bhi milte hain.
5. Rimjhim Water Kingdom
Agar aapko bheed se door aur kisi shant natural jagah par doston ke sath paani mein masti karni hai, toh ye park aapke liye best rahega.
- Kahan Hai (Location): Thakurgaon Road, Brambe, Mandar.
- Khulne ka Time (Timings): Subah 10:00 baje se shaam 6:00 baje tak.
- Ticket Price: Lagbhag ₹300 se ₹400.
- Khas Baat: Ye park thoda outer area mein hai isliye yahan ki hawa aur mahoul kafi clean aur fresh milta hai. Family rides ke liye ye boht sahi jagah hai.
Frequently Asked Questions (FAQs)
Q1. Ranchi mein sabse bada water park kaun sa hai? Ans: Area aur rides ke hisaab se aajkal Wild Waadi (Tupudana) aur Tarang (Ormanjhi) water park sabse bade aur popular maane jate hain.
Q2. Kya kisi water park mein chhote bachhon ki entry free hai? Ans: Haan, Tarang water park mein agar bachhe ki height 3 feet se kam hai toh uski entry bilkul free hoti hai. Baaki parks mein aamtaur par half ticket lagta hai.
Q3. Ranchi ke water parks mein khane-peene ki kya suvidha hoti hai? Ans: Kisi bhi water park ke andar bahar ka khana le jana allow nahi hota. Aapko park ke andar bane food court ya restaurant se hi khana kharidna padta hai.
Q4. Tarang water park hafte mein kis din band rehta hai? Ans: Tarang Water Park maintenance aur saaf-safai ke karan har hafte Budhwar (Wednesday) ko public ke liye band rehta hai.
Q5. Dhurwa side walo ke liye sabse nazdeek kaun sa park padega? Ans: Dhurwa aur Nagri area ke logon ke liye naya khula ‘Rainbow River Water Park’ sabse kareeb aur achha option hai.
