JSSC ne form bharwa liya, written exam ki tayari bhi chal rahi hai, par real tension abhi ground mein baki hai. Garmi ka mausam aa chuka hai (May ka mahina chal raha hai) aur subah-subah ground mein pasina bahana aasan nahi hota. Aajkal har koi Google par yahi search kar raha hai ki aakhir jharkhand police vacancy physical test details kya hain aur daud kab hogi.
Jharkhand Police Ka Physical Test Kab Hoga? (Expected Date)
Sabse pehla sawal jo sabke dimaag mein chal raha hai ki jharkhand police physical test date aakhir kya hai?
JSSC ka jo pattern raha hai, uske hisaab se forms ki scrutiny poori hone ke baad admit card aate hain. Abhi May 2026 chal raha hai, aur garmi apne peak par hai. Maximum chances hain ki JSSC June ke last week ya July ki starting mein physical test shuru karwa dega. Barsaat ka mausam shuru hone se pehle zyadatar centers par running complete karwane ka target rehta hai. Isliye apni running speed ko abhi se maintain karke chalo. Taki jab achanak admit card aaye, toh panic na ho.
Jharkhand Police Physical Test Me Kya Hota Hai? (Real Ground Process)
Boht se naye girls boys puchte hain ki ground mein ghusne ke baad jharkhand police physical test me kya hota hai? Wahan ka mahol kaisa rehta hai? Chalo main tumhe batata hoon:
- Entry Aur Biometric: Subah 5-6 baje aapko ground ke gate par report karna hota hai. Admit card aur ID check hone ke baad aapka thumb impression (biometric) liya jata hai taaki koi fake candidate na ghuse.
- Chest Number & RFID Chip: Andar jane ke baad aapko ek T-shirt/Jacket milti hai jispar aapka ‘Chest Number’ likha hota hai. Sath hi aapke dono pairon mein ek electronic chip (RFID chip) baandhi jati hai. Yeh chip aapke chakkar (rounds) aur time count karti hai.
- Running : 400 meter ya 500 meter ka gol track hota hai. Ek saath 100-200 bachon ka batch daudna shuru karta hai. Har chakkar poora hone par aapko ek mat (sensor) ke upar pair rakhna hota hai jisse beep ki aawaz aati hai.
- Physical Measurement: Jo log time par running nikal lete hain, sirf unhi ka Height aur Chest (seena) napa jata hai. Jo daud mein fail ho gaye, unhe wahi se bahar bhej diya jata hai.
Jharkhand Police Constable Physical Test Details (Measurement)
Running nikalne ke baad aapka sharirik map-tol hota hai. Is bar jharkhand police constable physical test ke rules ekdum clear hain. Niche di gayi table mein aap apni category ke hisaab se height aur chest ki requirement dekh sakte hain:
| Category (Varg) | Minimum Height (Unchai) | Minimum Chest (Seena) |
| General (UR) / EWS | 160 cm | 81 cm |
| OBC (BC-I / BC-II) | 160 cm | 81 cm |
| SC / ST (Male) | 155 cm | 79 cm |
| All Female | 148 cm | (NA) |
Running Time & Distance
- Male : 10 Km ki daud 60 Minutes mein poori karni hoti hai.
- Female : 5 Km ki daud 30 Minutes mein poori karni hoti hai.
Jharkhand Police Female Physical Test Details
Ladkiyon ke liye physical test thoda alag hota hai. Jharkhand police female physical test details ki baat karein toh unka chest measurement nahi hota hai. Unhe sirf height (min 148 cm) aur running pass karni hoti hai.
Ladkiyon ko 5 KM ki running 30 minute mein poori karni hai. Aksar dekha gaya hai ki ladkiyan shuru mein boht tez daudti hain aur 2-3 round baad thak kar ruk jati hain. Meri tip yahi hai ki shuru ke 3 KM ekdum normal pace (jogging speed) mein daudo. Jab stamina set ho jaye, tab aakhiri ke 2 KM mein speed badhao.
Jharkhand Jail Police Physical Test Details
Kafi logon ne Jail Police ke bare mein bhi pucha tha. Jharkhand jail police physical test details bilkul district police (Constable) ke jaisi hi hoti hain. Isme bhi 10 KM ki daud aur same height/chest ka niyam laagu hota hai. Bas inki duty aur posting ka farq hota hai (Jail campus ke andar aur bahar ki security). Physical map-tol mein JSSC koi bhed-bhav ya alag rule nahi rakhta hai.
Jharkhand Police Physical Test Center List
Ab aate hain sabse main topic par—daud kahan hogi? JSSC aamtaur par JAP (Jharkhand Armed Police) ke grounds aur bade Police Lines ko hi jharkhand police physical test center list mein shamil karta hai. Pichle records aur current ground status ke hisaab se expected centers ye rahe:
- Ranchi Centers: Ranchi mein sabse zyada bheed hoti hai. Yahan JAP-1 (Doranda) aur JAP-2 (Tatisilwai) ka ground running ke liye fix rehta hai. Hotwar Khelgaon ke aas-pass bhi centers banaye jate hain.
- Jamshedpur (East Singhbhum): Main khud abhi Jamshedpur mein hoon, aur yahan JAP-6 ground aur Golmuri Police Line ka track boht hi badiya condition mein hai. Kolhan division ke zyadatar ladko ka physical yahi hota hai.
- Hazaribagh: Hazaribagh ko physical ka sabse bada hub mana jata hai. Yahan PTC (Police Training Center) aur JAP-7 ground ki mitti running ke liye sabse best hai. Pairo mein dard kam hota hai.
- Dhanbad & Bokaro: Koyalanchal ke side JAP-3 Govindpur (Dhanbad) aur Bokaro Sector 4 ka Police Line ground running ke liye use kiya jata hai.
- Palamu & Santhal Pargana: Door-daraz ke districts ke liye Daltonganj mein JAP-8 aur Dumka mein JAP-9 ground physical test ke liye allot kiye jate hain.
