Last Updated On: 18 October 2026
👁️ Ek Nazar Me
NSP par scholarship form bharne se pehle 14-digit OTR (One Time Registration) compulsory hai — bina iske naya form ya renewal dono nahi hoga. OTR scholarships.gov.in par Aadhaar + mobile OTP + face authentication (NSP OTR App + Aadhaar Face RD App) se banta hai aur lifetime valid rehta hai. Post-matric applications ki last date 31 October 2026 hai.
📊 Key Stats
- OTR: 14-digit number, lifetime valid
- Apps needed: 2 (NSP OTR App + Aadhaar Face RD App)
- Post-matric last date: 31 October 2026
- Institute verification: 15 November 2026 tak
- Level-2 verification: 30 November 2026 tak
❓ OTR Kya Hai?
One Time Registration — National Scholarship Portal ka permanent 14-digit student ID, jiske bina koi form nahi bhara ja sakta.
Latest Update (October 2026): Academic year 2026-27 ke liye NSP student applications ki last date 31 October 2026 hai (post-matric schemes; pre-matric ki last date 31 August 2026 ko khatm ho gayi). Institute verification 15 November 2026 tak aur Level-2 verification 30 November 2026 tak hogi. PM-USP Central Sector Scheme ki last date 30 September 2026 ko khatm ho chuki hai. Agar aapne abhi tak OTR nahi banwaya hai to 31 October se pehle OTR banwakar form submit kar dein — OTR ke bina aap form bhar hi nahi payenge.
National Scholarship Portal (NSP) par kisi bhi scholarship ke liye form bharne se pehle ab OTR compulsory ho gaya hai. OTR ke bina naya form apply ya purana form renew nahi kiya ja sakta.
Niche OTR banwane ka seedha process, zaroori apps aur documents ki poori list hai taaki aapka 14-digit OTR number turant generate ho jaye.
Bina OTR ke aap portal par login nahi kar sakte. Jo new students hain ya jo purana form renew karna chahte hain, dono ko sabse pehle to apna OTR generate karna hoga. Yahan OTR banwane ka poora technical process, face scan ke niyam aur problem solve karne ka method hm batae hai.
OTR Registration Ke Liye Zaroori Documents (Requirements)
Registration shuru karne se pehle ye 3 cheezein apne paas zarur rakhein:
| Zaroori Cheezein | Kaisi Honi Chahiye? |
| Aadhaar Card | Aadhaar mein naam and DOB ekdum sahi hona chahiye. |
| Mobile Number | Mobile number aapke Aadhaar se link hona zaroori hai. |
| 2 Mobile Apps | Face scan ke liye phone mein NSP OTR App aur Aadhaar Face RD App pehle se install kar lein. |
NSP Scholarship OTR Registration Process (Step-by-Step)
OTR banwane ka process online portal aur mobile app dono se milkar poora hota hai. In steps ko line se follow karein:
- Sabse pehle apne phone ya computer mein NSP ki official website scholarships.gov.in open karein.
- Homepage par upar ‘Students’ wale section mein jayein aur ‘Apply for OTR’ par click karein.
- Ek naya page khulega. Wahan apna Mobile Number aur Captcha code bharein, phir ‘Get OTP’ dabayein.
- Mobile par aaya OTP dalkar verify karein.
- Ab aapko apna Aadhaar Number dalna hoga. Aadhaar detail submit karne ke baad ek Reference Number generate hoga.
- Face Authentication: Ab apna smartphone uthayein. Play Store se download kiye gaye ‘NSP OTR App’ ko open karein.
- App mein wahi Reference Number dalein aur ‘Face Auth’ par click karein.
- Phone ka camera khulega. Camera mein dekh kar apni aankhein jhapkayein (blink karein) taaki face scan poora ho sake.
- Face scan pass hote hi website par aapka photo aur details aa jayengi. Details check karke ‘Submit’ par click karein.
- Screen par aapka 14-digit ka OTR Number aa jayega. Isko note karke rakh lein, ye aapke password ke sath SMS par bhi aa jayega.
OTR Banwate Waqt Ye Galti Mat Karna
- Ek Student, Ek OTR: OTR life mein sirf ek baar banta hai. Ek Aadhaar card se do OTR nahi ban sakte, isliye form mein details ekdum dhyaan se bharein.
- Lighting: Face scan (authentication) karte waqt chehre par achhi light honi chahiye. Andhere mein ya chashma pehan kar scan karne par system face reject kar deta hai.
- Bank Seeding: OTR banne ke baad scholarship ka paisa seedha Aadhaar base par aata hai. Apne bank account mein NPCI/DBT link zarur chalu karwayein.
Renewal Students Apna OTR Kaise Banayein?
Jo students pichle saal scholarship le chuke hain aur is saal form renew karna chahte hain, unhe direct Aadhaar se naya OTR nahi banana hai. Unka process thoda alag hai:
- NSP portal par ‘Apply for OTR’ section mein jayein.
- Wahan ‘Apply with Application ID’ ka option select karein.
- Apni pichle saal ki NSP Application ID aur password dalein.
- Login karne ke baad system aapse Aadhaar number mangega.
- Aadhaar verify hone ke baad screen par ek Reference Number aayega.
- Baaki ka process same hai—NSP OTR app khol kar face scan karein aur apna 14-digit OTR number generate kar lein. Iske baad hi aap form renew kar payenge.
NSP 2026-27: Last Dates Ka Calendar
OTR to saal bhar banwaya ja sakta hai, lekin scholarship form ki last date nikalne ke baad OTR ka koi fayda nahi milega. 2026-27 session ka schedule note kar lein:
| Activity | Last Date |
| Pre-matric scholarship applications | 31 August 2026 (closed) |
| Post-matric scholarship applications | 31 October 2026 |
| Institute-level verification | 15 November 2026 |
| District/State (Level-2) verification | 30 November 2026 |
| PM-USP Central Sector Scheme (CSSS) | 30 September 2026 (closed) |
College me admission le chuke students ke liye note: Jharkhand ke colleges me Chancellor Portal par admission ke baad scholarship ke liye NSP par OTR banwana na bhulein. Ranchi Portal par admission updates bhi milti rahengi.
Frequently Asked Questions (FAQs)
Q1. NSP portal par OTR number kya hota hai?
Ans: OTR yani One Time Registration ek 14-digit ka unique number hai. Ye student ki pehchan hai jiske through wo NSP portal par school se lekar post-graduation tak koi bhi scholarship form bhar sakta hai.
Q2. Kya OTR ke bina scholarship ka form renew kar sakte hain?
Ans: Bilkul nahi. Chahe aapko naya form (fresh) bharna ho ya purana form renew karna ho, dono hi kamo ke liye sabse pehle OTR number generate karna padega.
Q3. OTR face authentication ke liye kaun sa app chahiye?
Ans: Face scan karne ke liye Google Play Store se do apps download karne honge – pehla ‘NSP OTR App’ aur dusra ‘Aadhaar Face RD (Early Access) App’.
Q4. Mera Aadhaar card mein mobile number link nahi hai, kya OTR ban jayega?
Ans: Nahi banega. OTR ke process mein OTP verification Aadhaar se jude mobile number par hi aata hai. Pehle kisi Aadhaar center jakar apna mobile number link karwayein.
Q5. NSP OTR registration ki fees kitni hai?
Ans: OTR registration poori tarah se free hai. Sarkari portal (scholarships.gov.in) par iska koi charge ya fees nahi lagti.
Q6. NSP 2026-27 me scholarship form ki last date kya hai?
Ans: Post-matric schemes ke liye 31 October 2026 hai. Pre-matric (31 August 2026) aur PM-USP CSSS (30 September 2026) ki last date nikal chuki hai.
Q7. OTR ke baad form submit karne ke baad kya hota hai?
Ans: Form submit hone ke baad aapka institute 15 November 2026 tak verification karta hai, phir district/state level verification 30 November 2026 tak hoti hai. Uske baad scholarship approve hoti hai.
📖 Related Posts — Ye Bhi Padho
🚀 Koi Update Miss Mat Karo!
Telegram par judho — Results, Admit Cards aur nayi bhartiyon ke sabse tez alerts
Telegram Join Karo →
