12th board ke results aane ke baad ab sabse bada focus graduation (UG) admission par hai. Ranchi University (RU) ne apne new session FYUGP (Four Year Under Graduate Programme) 2026-30 ke liye admission ka process shuru karne ki process start krne wali hai.
Jharkhand mein graduation ka admission direct college se nahi hota. Iske liye sarkar ne ek single website banayi hai jise ‘Chancellor Portal’ kehte hain. Yahan maine form nikalne ki dates, fees, naye niyam aur ranchi university ug admission 2026-30 chancellor portal link ka poora step-by-step hisaab clear kar diya hai.
Ranchi University UG Admission 2026-30
Four Year Undergraduate Programme (FYUGP)
UG Admission 2026-30: Quick Update & Direct Link
Form bharne se pehle is table mein dates aur official website ka direct link check kar lo:
| Admission Details | Information (Update) |
| University Name | Ranchi University (RU), Ranchi |
| Course Name | UG (BA, B.Sc, B.Com) – FYUGP Session 2026-30 |
| Form Start Date | May 2026 Last week |
| Last Date to Apply | June 2026 3rd Week |
| Admission Basis | CUET Score + 12th Board Marks |
| Official Chancellor Portal Link | jharkhanduniversities.nic.in |
CUET Aur Non-CUET New Rules
Pichle saal se UG admission ko lekar students ke dimaag mein sabse bada doubt CUET exam ka hai. Seedhi baat samajh lo:
- CUET Walo Ke Liye: Jin students ne CUET (UG) 2026 ka exam diya hai, unhe admission mein sabse pehle preference (prathmikta) milegi. Merit list mein unka naam sabse upar rahega.
- Bina CUET (12th Marks) Walo Ke Liye: Agar aapne CUET nahi diya hai, toh tension mat lo. Ranchi University bachi hui seats par 12th board ke marks (percentage) ke hisaab se bhi admission legi. Dono hi tarah ke students ko form Chancellor portal se hi bharna hai.
Important Documents
Cyber cafe jane se pehle ya apne phone se form bharne se pehle, in documents ka scan copy apne paas zarur rakh lein. Inke bina form aage nahi badhega:
- Passport Size Photo & Signature: (Clear aur naya hona chahiye).
- 10th & 12th Marksheet: (12th ka original nahi aaya hai toh internet copy chal jayegi).
- Aadhaar Card: (ID proof ke liye).
- Caste/Income Certificate (Jati/Aay Praman Patra): (Sirf SC, ST, BC-1, BC-2 category walo ke liye, taaki admission fee mein chhut mil sake).
- Active Mobile Number & Email ID: (Isi par portal ka OTP aur password aayega).
- CUET Score Card: (Agar aapne exam diya hai, warna ise khali chhod sakte hain).
Chancellor Portal Par Form Kaise Bharein? Full Process
Apne phone ya computer se direct chancellor portal jharkhand par form bharne ka process ekdum simple hai. Ye steps follow karein:
Step 1: Naya Account Banana (Sign Up)
- Sabse pehle official website
jharkhanduniversities.nic.inopen karein. - Right side mein ‘Don’t have an account? Sign Up’ par click karein.
- Apna poora naam, email id, aur mobile number dalkar OTP verify karein. Apna ek strong password bana lein.
Step 2: Profile Aur Academic Details Bharna
- Naye username aur password se portal par ‘Login’ karein.
- Dashboard khulne ke baad ‘Fill Admission Form’ par click karein.
- Apni personal detail (Fatther’s name, address, caste) bharein aur photo-signature upload karein.
- Next page par apni 12th class ki poori detail (Board ka naam, passing year, subject wise marks) bilkul sahi-sahi dalein.
Step 3: College Aur Subject Select Karna
- Ab ‘Select University’ mein Ranchi University chunein.
- Apne pasand ka college (jaise Marwari College, Doranda College, Ranchi College) select karein.
- Apna Major subject (jaise History Honours, Physics Honours) chunein aur ‘Add to List’ par click karein. Aap ek sath 3-4 alag-alag colleges ya subjects select kar sakte hain.
Step 4: Payment Aur Printout
- Sab kuch check karne ke baad ‘Pay Now’ dabayein.
- Online payment (UPI ya Card se) complete karein.
- Payment successful hone ke baad Application Form aur Payment Receipt ka PDF download karke print nikal lein.
Application Fee?
Chancellor portal par har ek college ya subject ko select karne ka ek fix charge lagta hai.
- General/OBC/EWS Candidates: Ek application form ka fee ₹300 hota hai.
- SC/ST Candidates: Ek form ka fee ₹200 hota hai.
- Agar aap ek se zyada college mein form dalte hain, toh har college ka fee alag-alag jodna padega (Jaise 2 college select karne par 300+300 = ₹600). Payment fasne par dobara turant pay mat karein, 24 ghante wait karein.
Frequently Asked Questions (FAQs)
Q1. Ranchi University UG admission ke liye chancellor portal ka link kya hai?
Ans: Jharkhand ki sabhi universities aur Ranchi University mein UG/PG admission ke liye official chancellor portal ka link jharkhanduniversities.nic.in hai.
Q2. Kya bina CUET exam diye Ranchi University mein admission mil jayega?
Ans: Haan. Pehle CUET walo ki merit list nikalti hai. Uske baad jo seats bach jati hain, unpar 12th board marks ke aadhar par bina CUET wale students ka direct admission hota hai.
Q3. Chancellor portal par form bharne ki aakhiri date kab tak hai?
Ans: Abhi form bharne ka process start ho raha hai. Ranchi University ka portal lagbhag 20 se 25 dino tak open rehta hai. Iski official deadline website par aate hi yahan update kar di jayegi.
Q4. Form bharte time payment fas jaye toh kya karna chahiye?
Ans: Agar account se paisa kat jaye aur portal par ‘Unpaid’ dikhaye, toh turant dobara payment nahi karna hai. Bank se settlement hone mein 24 se 48 ghante lagte hain. Uske baad status apne aap ‘Paid’ ho jata hai.
Q5. Kya ek form se do alag-alag college mein apply kar sakte hain?
Ans: Aap ek hi portal login se jitne chahe utne colleges aur subjects mein apply kar sakte hain. Bas aapko har college aur subject combo ke liye alag se 300 rupaye (category ke hisaab se) fee deni padegi.
